انتهينا خلاص زى أحلام بتنتهى
كبرت معانا الحياه وأمانينا بتتخنق
ملينا الحياه أصبحنا ذكرى تتكتب
على ورق الشجر خايف تتحرق
بين السطور معانى ماتت وانتهت
على الحيطان كان احساس واتمحى
يا ساكنه القلب وعيونى
بنادى لك جروحى ساكنها الخوف
ألامى كتاب مفتوح يا قلبى أنا
المجروج
بين النبض والقلب مسافه خوف
يرتعش قلبى ما أنا المدبوح
بعدك مشيت طريق مسدود
أنا وقلبى رحله موت
أدور فِ كل مكان بلا عنوان
ما أنا العاشق طريق الخوف
جوايا حنين مكتوب
حكم القدر خلانى أدوب فِ ذكرى
عشناها
فِ لحظه حب وخدانا
وشوق مجنون يسافرلك
م أنا المجذوب
ضاعت منى أحلامى
تاهت فِ كل جروح
رسمتك صوره مطبوعه تشفينى
من كل جروح
لاقيتك أبعد من أحلامى
م أنا العاشق...وأنا المجذوب
انا اللى حبيتك فِ كل كتاب
عرفت معاكِ معنى الخوف
ما تستغربيش يا أمل مفقود
الحب مش أوهام وقيود
دا حاله غريبه تاخدنا م العدم
للوجود
مش ح أفضل أقول بحبك
وامشى فِ طريق مسدود
كفايه حبى جوايا اكبر من كل سدود
منعتينى أعيش ...
فكرى بيكِ مش ح يموت
حابسه فيه أحلامى خايفه أموت
شفتى الدمع فِ عيونى بحار وشطوط
م فكرتى تكونى فِ يوم نهر يروينى
ولا حسيتى فِ يوم انى موجود
ناديت الصمت جواكِ فجرت منابع شوق
لاقيت الشوك بيجرحنى وحبك طريق
مسدود
عشت الوهم فِ صمتى يمكن أكون مجنون
ترجع ضحكه شفايفك وتحسينى فِ يوم
يقلمى/سيد منيرعطيه
ليست هناك تعليقات:
إرسال تعليق