لما أقول لك بحبك مش كفايه
حبى ليكِ بدايه ونهايه
بدايه عمر تانى لحياتى
نهايه ألامى وذكرياتى
يا سما صافيه بغنى لك
عاشق سمار لونك
بعدى لك كل صعب يهون
ما نبش مجنون
دا أنا العاشق حزين
فى بعدك دقت الويل
أنا اللى دبت فى حبك
وقت النهار ما بان
أنا اللى كتبت بحبك
فوق صخور وجبال
انا اللى عايش عشانك
مستنى تتفتح بيبان
بسافر لعيونك الحلوه
بكتب لك حنين وهيام
يا ترى الحب جواكِ
ولا بقيت أوهام
حبيتك وانتِ رفضانى
عشقتك وانتِ نسيانى
حسيتك بلاد الدنيا
شفتك كل أوطانى
لاقيتك سراب مجنون
وهم ...وخيال وظنون
بكتب لك بدمع العين
شوق ...واحتياج وحنين
عشت الحزن جوايا
فاكر انى ملكتك يوم
ليه القلب حبك ؟
ليه بقيت مجنون ؟
نفسى أناديلك وتردى فِ يوم
حبيبى... انت ملكت الكون
روحى ...وقلبى ..وعيونى
فدا دمعه عين
بموت لو تخاصمنى
وأحزن لو بعدت فِ يوم
بلاقى نفسى وخدانى
ما أنا الصمت عنوانى
حبك اصله جنون
ما نيش قادر أعيش فِ عذاب
ولا قادر أكون بواب
حاضن نبض أيامك
شايف ربيع عمرك
من غيرك الدنيا صعبه
من غيرك ما نيش انسان
مهما أقول لك بحبك
جوايا حنين وكلام
أكبر من نبض قلبك
ما أنا الانسان
شايف الدنيا بعيونك
حبى ليكِ اكبر من كل كلام
فاكره نبض عمرى
مهما تتغير مشاعرك
ويتوه نبض الكلام
ح أفضل أحبك راضى بكل هوان
بقلمى / سيد منيرعطيه
ليست هناك تعليقات:
إرسال تعليق