قلوبنا عاشقه السفر

ليه البعاد مكتوب علينا
وقلوبنا عاشقه السفر

ليه الفراق نار يكوينا
وأرواحنا من الحب تحتضر

ليه الزمان قاسى علينا
وفرحتنا يخطفها القدر

أحلامنا ليه ساكنها الألم
غربتنا مش بعاد مكتوب

غربتنا سفر
بتحدى موج البحر

لو مره هاج  وغدر
مهما يطول بعدنا حنتلاقى

ويفضل حبنا اكبر م القدر
أرواحنا حاضنا حلمنا

مهما تبعدنا المسافات
بيقربنا نبض قلبنا

يا ليل البعد اطوى غربتنا
مهما يطول الليل بتقربنا فرحتنا

رسمتك فِ قلبى صوره عايشه
جوايا تحسى بهمسى تكونى دفايا

لو الحنين نار بتحرقنى
وعيونك حاضنه أحلامى

ح أفضل أحبك لو إتغير زمانى

حبك جوايا أمل منقوش على سنينى
يا أجمل حب فِ حياتى

يا عمر ضايع رجع من تانى
بخاف عليكِ من هوا قلبى

كل ما أشوفك تاخدنى أحلامى
بحمد ربى على حبك

وأقول للخلق دى منايا
بسافر مع الليل بألامى

أشكى للهوى منك
أقول له يا ليل إرحمنى

ضنانى البعد وتعبنى
لو يوم أقول اه تاخدنى الموجه وأعدى

حروفى تشتكى همى
وجع روحى محاصرنى

بعترف لك كل يوم فِ كلامى
بحبك ...كل يوم أكتر من التانى

وأصبر وأقول يمكن نتلاقى
أحضن روحك و أضمك

أدوب فيكِ وبتعذب
احلف ...لو عمرى يوم

أعيشه قريب منك
مش قادر أكون عاشق

ولا قادر أبتعد عنك

بقلمى / سيد منيرعطيه