ثوره فى كل مكان
خلى الحلم يكون بركان
يهز كيان
يغير اوطان
خلى الليل يكون سجان
نجوم الليل فى كل مكان
بأديهم ظلم يهد حيطان
ايد الغدر فى كل مكان
خلى الرعد يكون عنوان
يزلزل كل كيان
لسه القهر عايش جوانا
جوه النفس تبكى كمان
لسه يا وطنى دموعك تزرف
ظلم وغدر لكل انسان
لسه الثورة فى كل مكان
يا وطن الظلم
يا وطن القهر
حطم كل جبان
خلى النور يعود من تانى
خلى الليل اخره يبان
لسه الحلم العربى بيكبر
لسه الكرسى واخد له مكان
يا زمن الظلم والطغيان
مهما يطول الليل
ح تعود من تانى
خلى الفجر يكون عنوانى
ويا الشمس تهز كيانى
يا مصر يا اجمل شيئ فى حياتى
حالف احرر معاكِ زمانى
حالف اعيش
حالف اثور
حالف اغير لون ايامى
نفسى اعيش
زى شعوب العالم
نفسى تكون كرامتى اساس
نفسى تحس بكل الناس
يا مصر يا بلدى
حلم حياتنا نكون احرار
جوانا اصرار
نعدى الصعب
نكون احرار
بقلمى/ سيد منيرعطيه
ليست هناك تعليقات:
إرسال تعليق