خطابك يا ريس

انتظرنا خطابك يا ريس
زى هلال رمضان
انتظرناه بالخير والامان
كلامك دا مش كلام
مسكنات والسلام
اعترفك بالصواب والخطأ
خلى البدايه تمام
فى لحظه تهنا زى العاده  معاك
بين سطور فيها الامان
وصدق والتزام
من غيركلام
ولف ودوران
حسيت برعشه حروفك
بخوفك جوه جوفك
خطابك دا  ليه
ضحكت الشعب عليه
غلبان دا ايه
سلطه بين ايديه
بتنادى عليك
شرعيه مسلوبه
قرارات مهزومه
زى القمر بيختفى نوره
فى عتمه ظلام
زى حلم يموت
متمسك بالحياة
شعبك مش عبيط
فاهم كل الكلام
انتظرنا خطابك يا ريس
من غير وعود
متمسك بأيه
حكومه نعسانه
خيبانا
ازماتها كسرانا
جاز وبنزين
طوابير طول الليل
من غيرغاز عايشين
العتمه فى كل مكان
من الكهربا محرومين
وعدتنا بحريه
عداله اجتماعيه
كابوس صحينا عليه
خوفنا من كل حاجه
احلامنا ضاعت
اختفت زى النجوم
خطابك يا ريس
دا مش خطاب
صعبانه عليه يا بلادى
قطعتك كل الايادى
كرسى الرئاسه زايل
مصر اكبر من الاعادى
خطابك يا ريس
دا مش خطاب
بقلمى/سيد منيرعطيه