صوت الورق

 لما أسألك بعيده ليه ؟
وشمس النهار حاضنه الغروب

فاكره لحظه حبنا
كل الحياه بتحكى عننا

زى حلم فِ اول الليل بينتهى
بيختفى معاه الانين

لما كنا نلتقى تدوب كل المشاعر
وقت السلام لحظه ما كنا نبتسم

ننسى حزن عاش

وقلوب حالفه تتوجد جوه الجروح
زى الليل البعيد ولمسه الايد فاردا حضنها

يا ترى...عرفتى معنى السهاد
ولحظه فراق رسمها اشتياق فوق الورق

وقلم سطر معانى ما تتكتب بين السطور
وحبر جف وانتهى من كتر السؤال

والاشتياق نار عذاب والبعد لحن انكتب
جوه القلوب ...فاكره معنى لحبنا

ولا تبعتر زى الورق فِ لحظه غضب
وضاعت معاه كل الامانى الممكنه

صوت الورق طاير مع الريح بسمعه
كل الحروف اتغربت حتى المعانى اتفرقت

بين قلب حب وقلب بيحترق
دورت على الحروف فِ لحظه خوف

ناديت الريح ما تبتعد

نفسى ألملم حروفى من جروح الورق
نفسى اكتب كلامى لليل البعيد

للفجر العنيد...يسكن صوت الورق
يداوى جرح عايش غريب جوه الزمن

والزمن دوار حالف يعيد اللى اتكتب
بين السطور لحظه غروب وقت ما كنا نلتقى

يفرح معانا الشجر يطرح امل
خليكى فاكره حروفى اللى ضاعت وصوت الورق

وجع القلم اكبر من كل اللى اتكتب
خلينى عايش زى زهره بتتروى

حاضنها الشوك وورقها بيختفى
تدبل معاها فرحتى ويتوه معاها الشجن

يا زمن سطر معانى الالم
وجع القلوب تاهت خطاه

والعشق ناره حاضنه الامل
يا ترى الليل الحزين عاشق غربتى

صمتى مش بيتكتب
صمتى عشقى لحياتك وفجر بيتولد

بقلمى/ سيد منيرعطيه