حسى بيا

لما أقولك حسى بيا
ويناديكِ الإحتياج
ويبقى حضنك دفى
من بعد الاحتياج
لما اقولك بصوت ضميرى
حبى ليكِ هو الحياة
لما ياخدنى الوهم لحضنك
وأعيش مخدوع جنبك
أنسى العالم كله
حتى ملامحى ونبرة حزنى
أنسى زمانى وليل بيعانى
غدرك بيه
لسه يا عمرى يا نور عينيه
شايل بين أحضانك ذكرى
شايل حب مخنوق من بكره
شايل حزن يكفى بلاد
لسه يا ليل خايف تكبر
خايف نور الصبح يعدى
يرسم صورتك وانتِ بتبكى
لما أصبر على دمع عيونى
لما أصحى على غدر زمانى
لسه الصبر ح يصبر تانى
يلى رسمتى بأيدك عمرى
يلى فى عمرك حلو  زمانى
انا مش راح أحلم تانى
غدرك أكبر من كل زمان
نفسى  أنساكِ
ولا أعرف أحبك من تانى
يلى معاكِ عمرى بيكبر
وكل مادا أحبك اكتر
ألاقى نفسى قريب منك
لما أحلم بحضنك
ياخدنى الحلم من لقربك
الاقى نفسى  تايه
مستنى حنانك
يلى معاكِ الليل بيطول
والأمانى تعدى بحور
لسه الخوف بيجرى فى دمى
لسه عنادك أكبر منى
مهما تقولى لسه بحبك
بعدك عنى أخر عمرى
بقلمى / سيد منيرعطيه