- قلتلك بحبك الف مرة
حستيها
سمعتيها !
عارفه معنى حروفها
ح اقولها تانى
بحبك
بشوق يساوى لحظه لقاكِ
كل الكلام اتقال
عيونك هى الامان
بسرح فيهم مهما يطول البعاد
بحلم بنبض الحياة
راكب شراع الامل
حاضن ليالى السفر
بنادى عليكِ
حبيبى فين انت؟
تعالى نحلم كمان
تعالى نعيش الامان
تعالى ننسى الخوف
قلبى من الهوى مجروح
عايش لحبك انا
باحن لك لانك وطن
عايش انا جواه
وطن عايش هواه
مرسوم على جبينى اسمك
منقوش على قلبى صورتك
بحبك
باحن لك
يا روح ساكنه السهر
يا فجرعايش نداه
بحلم بقربك
وحشنى ح ضنك
انتِ كل الحياة
مهما يطول السفر
مهما تبعدنا الحياة
ح افضل احبك
عارفه معنى الوطن؟
عارفه معنى الحياة؟
زى حلم عايش خطاه
كل الكلام تاه
بحبك حلم
بحبك خيال
حبك محال
قلتلك بحبك
بعشقك
يا نبض عايش حياة
ح افضل احبك
مهما تدور الحياة
ويتغير لون السما
وتتغير معالم الحياة
يا بدر مالى السما
حاضن نجوم الليل
يا ليل فيك السكون الوان
فيك الامان حرماااااان
نور الظلام بان
حاسس بحب الزمان
حاسس طول الانتظار
قلتلك بحبك حستيها
خلى الزمان شاهد عيان
على حب مخلوق خلف الحيطان
حب ايه
لسه القلوب محتاجه الحنان
محتاجه الامان
لسه الحب شاهد عيان
بقلمى/سيد منير عطيه
الاشتراك في:
تعليقات الرسالة (Atom)
ليست هناك تعليقات:
إرسال تعليق