فين العيد

لما يخدنى الصمت
لأجمل عيد

لما أتألم لأنى
بعيد

لما تلف مشاعرى
حنينى

وانادى زمانى
ليه الصمت بيصبح
نار

ليه البعد يكون
اصرار

ليه الحب يموت
ف قلوب حاضنه
الخوف

ليه الحب بيصبح
ذكرى

ليه العيد يستنى
لبكره
لما تغيبى فين العيد؟

تاخدنى الفكره
وأفضل أحلم ببكره
وأستنى لقاكِ

وبأيدى حاضن صورتك
يمكن ألاقى نفسى
بين درعانك

وأنسى الحلم ومرارة بعدك
وأفضل احلم بلمسه
ايدك

لما يخدنى شوقى
لقربك
فين العيد ؟

حاسه بطعم المر
لما مرارة البعد
بتقتل حضن

شفت الفرحه  ف عيون
الناس
مليانه احساس

دابت كل دموع القلب
والحزن عشش ف الحضن

يلى بأيدك نهر العمر
يلى ملكتى صوت الحب

لسه العيد غايب عنى
وانت بعيده ضاعت
فرحه قلبى

لما دموعى يسبقها
كيااااااااااانى
لما ينطق قلبى
الأه

لما بحس بوجعى
لوحدى
لما بغيب عن ألمى

لما بسرح فيكِ لوحدى
ودموعى تسبق همسى
فين العيد؟

غابت عنى لهفه قربك
لما بأيدك اخترتى
بعادى

وانده زى  المجنون
تاهت منه لحظه عقل

تاهت منه حدود الصبر
لسه البعد بيحكم
قلب

لسه النور خايف
يكبر

جوه العتمه ويبقى
نهار

والليل دوار ساكن
كل حدود الصبر

امتى يا فجر تشرق
تانى
وتعيد ضحكه أحزانى

وأفرح زى الناس
وانتى معايا أحس بعيد

مالى كل الدنيا عليه
فين العيد؟
بقلمى/ سيد منيرعطيه