ليه كل ما بنحس بنتألم

ليه كل ما بنحس بنتألم
ليه دموعنا دايما تتكلم

عن وجعنا وأوجعنا وزمانا
جوانا الحزن سنين  ساكن

بتدور الأيام وتدور بينا
دايما عاشقين
صوت خطاوينا

مرسى الأحلام
 دايما يبكى
فراق أجمل ليالينا

الأمل مخنوق جوانا
وجرح العمر بيألمنا

يا ليالى حاسبى وحسبينا
من غدر الأيام وداوينا

مرارة الحلق بتوجعنا
وعطش السنين بيكوينا

طول عمر الايام بتبعدنا
والحزن ساكن أحضانا

ليه وجعنا دايما يبكى
واختار حضنى وعشش فينا

صعبه الأيام دايما تجرى
شايله دموعى وحنينى

وحياتى تايها
ف مراسينا
ليه كل ما بنحس بنتألم

الحزن بيكبر جوانا
مالى قلوبنا وحشانا

بتدور الأيام وتوهنا
لما أيامنا تنادى خوفنا

إحساسى نابع
من قلبى
وقلبى بينبض من خوفه

لسه الأيام خايفه
رجوعى
نفسى افرح وأعيش يومين

ليه الصدق احساس مات؟
جوه قلوب عاشقه سكات

يا سكات الصمت
 ليه بتنادى

مكتوب على قلبى
وعذابى
تفضل دنيتى معندانى

وكأن الحزن دا وريثى
صوتى مخنوق جوايا

اصرخ ما بيوصل
صوتى

تعبت كتير معاكِ يا دنيا
كأنك عانده على حياتى

راضى بقسمتى ونصيبى
وبحمد ربى على سكوتى

تايه بين صبرى وزمانى
إمتى ح تنتهى أحزانى

مش عايش فى الدنيا
لوحدى
كل الناس محوطانى

ليه كل ما بنحس بنتألم
والدنيا إختارت حرمانى

ح صبر وبشده إيمانى
ح يعدى الليل
ويعود تانى

مهما تطول همومى
وأحزانى
صابر يا دنيا على زمانى
بقلمى/ سيد منيرعطيه