عدى النهار

عدى النهار
والشمس فارده قلوعها

وليل الظلم قادر
غادر بيعمى عيونا

لسه يا بلادى صابرة
على الجرح بيألم حياتنا

إمتى يعود الامان
إمتى نحلم ببكرة

خلينا صامتين
خلينا خايفين

نحلم ببكرة

زمن الخوف دا مات
واليوم بنحدد مصيرنا

كل يوم إضرابات
إعتصامات

مليونيات

امتى ح نبنى بلادنا
يا شمس مصر إتحررى

إنهضى عدى حدودنا
لسه بنحلم بثورة

اخلاق ومبادىء
تصحح طريقنا

حريتنا مش فوضى
بتعطل انتاجنا

حريتنا مبادىء وقيم
بتغير مصيرنا

عدى النهار
ولسه خطانا بعيده

إمتى يا ليل تصبح نهار
وتعيد أمجادنا البعيدة

بحلم بمصر مهد الحضارة
تصبح منارة

دماء جنودنا سالت
فى ارض الفيروز
نادت

إنهض يا مصرى
ذرات ترابك ضاعت

فتحنا المعابر
حدودنا دابت

كفانا شهامه
جنودنا ماتت

ولسه يا بلادى صابرة
ع الجرح بيألم حياتنا

أمتى تعودى يامصر
أمتى  نحلم ببكرة

بقلمى/ سيد منير عطيه