ليه السفر؟

لما أسألك ليه السفر؟
إختاره قلبك يكون وطن

لما أسألك
ليه إخترتى البعاد
يكون وتر؟

لنبض قلب حس الخطر

لما تلاوعنى ظنونى
ويبقى الكون عيونى
شايف بعدك دليل سفر

لما أسألك
 وانادى الليل
يسبح ف حضنك
يضم صدرك
  يكون بشر

يحس بمعانى لأجمل زمااااااااااان
شاهد عيان
 لحب فى القلب إتولد

لما أسألك
 بشوق  ولهفه
ودراع بتسابق زمانك
تلف حضنك وتبقى يومك
مهما الحلم إبتعد

زى الحمام يطير ويعلى
يسابق كل السحاب

يحضن شمس النهار
يطوى بجناحه مسافات
السفر

لما أسألك
 عن عش محبوب
انهجر

ووداع فى وقت الألم
بيكسر قلم بيكتب
عن شمس بتختفى

لما السفر يكون إختيارك
لهجر دارك
وسبق اصرارك
ف بعد يكون جبل

لما تختفى النجوم
يتوه الكون وتتبدل
معالم كل الحياة

ف لحظه فراق
لما إخترتى السفر

معقولة ح تبعدى؟

معقولة بتهربى ؟

من كيان عايش
على صوتك

يتمنى يضمك
وسط الهموم بين النجوم
تكبر ملامحك ويبقى نبضك
همزة وصال

مهما البعد طال
اكيد السفر بينتهى

وتختفى كل الملامح
وتعود براءة عيونك
وابتسامتك تملا حياتى

وأحس بعمر الغياب
بيتسرق

لما أسألك
 ونظرات عنيه
تناديكِ

ليه السفر؟

لما تكونى محتاجه قربى
تعالى وأنسى هجر بعدى

لما تكونى شايفه
خطوط الامل تترجى
النهار
يبقى إنتظار

لما تخدنى الأمانى
لحضن تانى

ويبعدنى عنادك
واتوه
واشوف فراقك
ناااااااااااار بتحرق

نور الصباح وفجر قربك
مهما يكون السفر

لما أسألك ليه السفر؟
إختاره قلبك يكون وطن
بقلمى/سيد منيرعطيه